Бос мемлекеттік әкімшілік лауазымына орналасуға барлық мемлекеттік қызметшілер арасындағы ішкі конкурс туралы хабарландыру

            «Ақтөбе облысы әкімінің аппараты» ММ, 030010, Ақтөбе қаласы, Әбілқайыр хан даңғылы  40, анықтама үшін телефоны: 8(7132)932076, факс: 8(7132)932076, e-mail: ak.dilzhanov@aktobe.gov.kz, «Б» корпусының бос мемлекеттік әкімшілік лауазымына орналасуға барлық мемлекеттік қызметшілер арасындағы ішкі конкурс жариялайды:

            «Ақтөбе облысы әкімінің аппараты» ММ облыс әкімі аппаратының мемлекеттік-құқықтық  жұмысы  бөлімінің бас маманы лауазымына (№ 14-2), D-4 санаты, 1 бірлік.

Лауазымдық жалақысы еңбек сіңірген жылдарына байланысты 71750    теңгеден 96735 теңгеге дейін.

          Функционалдық міндеттері: Жергілікті атқарушы, құқық қорғау органдарының қызметтеріне қатысты сұрақтар бойынша ҚР Президенті мен Үкіметінің, орталық атқарушы органдардың, облыс әкімі мен әкімдігінің актілерінің орындалуын бақылау. Жоғары деңгейдегі органдарға енгізу үшін ҚР қолданыстағы заңнамаларын жетілдіру жөнінде ұсыныстар дайындауға қатысу. Облыс әкіміне, облыс әкімінің аппаратына жолданған жеке және заңды тұлғалардың өтініштерін қарау.

            Заңдылық пен құқық тәртібін нығайту, құқық қорғау жүйесін, сондай-ақ сыбайлас жемқорлыққа және лаңкестікке қарсы қызметті жетілдіру жөнінде ұсыныстар енгізу.

            Қылмыстық, нашақорлық, есірткі бизнесіне қарсы күреске бағытталған бағдарламаларын әзірлеу және іске асыру.

            Ақтөбе облысындағы сыбайлас жемқорлыққа қарсы бағдарламаны және іс-шараларады іске асыруд ұйымдастырады; адам құқығы саласындағы Ұлттық іс-әрекет жоспарының іске асыруын үйлестіру; Ақтөбе облысында нашақорлыққа және есірткі бизнесіне қарсы күрестің 2012-2016 жылдарға арналған аймақтық бағдарламасын іске асыруын үйлестіру; құқық бұзушылықтың алдын-алу жөнінде салааралық комиссиясының жұмысын ұйымдастыру; сыбайлас жемқорлыққа қарсы күрес мәселелері жөніндегі, қылмыстық жазаны атқаратын мекемелердің қызметіне жәрдемдесу жөніндегі және қылмыстық жазасын өтеген адамдарға әлеуметтік, өзге де көмекті ұйымдастыру жөніндегі облыстық комиссиялардың жұмыстарын үйлестіру, сонымен бірге олардың сапалы және уақытылы отырыстарының өткізілуін ұйымдастыру, және де жоғары деңгейдегі органдарға сәйкесінше ақпарат жолдау.

            Алқабилер тізімін талдау және дайындау рәсімдерінің өткізілуінің қамтамасыз ету.

            Облыс әкімі, әкімдігінің, облыс әкімі аппаратаның мүддесін сот органдарында, соның ішінде өкілетті органдармен бірге өкіл етеді.

            Ақпаратты талдай, жалпылай және жүйелей білу, жетекшілік ететін сұрақтар бойынша жоспарлар, бағдарламалар, анықтамалар, баяндамалар және басқа да құжаттар әзірлей білу.

            Қолданыстағы заңнамалар шегінде бөлім басшысының басқа да тапсырмаларын орындау.

            Тіл табысқыштық, орындаушылық, үйіршілдік, өзара сыйластық қарым-қатынасты орната білу қасиеттерінің болуы қажет.

            Іс-қағаздар жүргізудің негіздерін білу.

            Нормативтік құжаттармен жұмыс тәжірибесінің болуы қажетті.

            Конкурсқа қатысушыларға қойылатын талаптар: Білімі - заңгерлік мамандығы бойынша жоғары. 

            Мынадай құзыреттердің бар болуы: бастамалық, адамдармен тіл табысуы, аналитикалық, ұйымдастырушылық, әдептілік, сапаға бағдарлану, тұтынушыға бағдарлану, сыбайлас жемқорлыққа төзбеушілік.

жұмыс тәжірибесі келесі талаптардың біріне сәйкес болуы тиіс:

  1) мемлекеттік органның штат кестесінде көзделген келесі төменгі санаттағы лауазымдарда немесе B-5, C-5, C-O-6, C-R-3, D-5, D-O-5, Е-4, E-R-3 санаттарынан төмен емес лауазымдарда немесе «А» корпусының мемлекеттік әкімшілік лауазымдарында мемлекеттік қызмет өтілі бір жылдан кем емес;

  2) орталық, облыстық немесе қалалық деңгейдегі құқық қорғау органдардың кіші басшы құрамынан немесе арнайы мемлекеттік органдардың сержанттар кұрамынан төмен емес лауазымдарда мемлекеттік қызмет өтілі бір жылдан кем емес;

  3) жоғары оқу орындарынан кейінгі білім бағдарламалары бойынша Қазақстан Республикасының Президенті жанындағы білім беру ұйымдарында мемлекеттік тапсырыс негізінде немесе шетелдің жоғары оқу орындарында Шетелде кадрлар даярлау жөніндегі республикалық комиссия бекітетін басым мамандықтар бойынша оқуды аяқтауы.

            Қазақстан Республикасының Конституциясын, Қазақстан Республикасының «Қазақстан Республикасының Президенті туралы» Қазақстан Республикасының конституциялық заңы, «Қазақстан Республикасының мемлекеттік қызметі туралы», «Сыбайлас жемқорлыққа қарсы іс-қимыл туралы», «Әкімшілік рәсімдер туралы», «Жеке және заңды тұлғалардың өтініштерін қарау тәртібі туралы», «Мемлекеттік көрсетілетін қызметтер туралы», «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының заңдарын, «Қазақстан – 2050» Стратегиясы: қалыптасқан мемлекеттің жаңа саяси бағыты стратегиясын, осы санаттағы нақты лауазымның мамандануына сәйкес облыстардағы қатынастарды реттейтін Қазақстан Республикасының нормативтік құқықтық актілерін білуі қажет.

  Өз санаты лауазымдар бойынша функционалдық міндеттерді орындау үшін қажетті басқа да міндетті білімдерді білуі қажет.

Конкурсқа қатысу үшін қажетті құжаттар:

            1) «Б» корпусының әкімшілік мемлекеттік лауазымына орналасуға конкурс өткізу Қағидалардың 2-қосымшасына сәйкес нысандағы өтініш;

            2) тиісті персоналды басқару қызметімен расталған қызметтік тізім.

            Құжаттардың толық емес пакетін ұсыну конкурс комиссиясының оларды қараудан бас тартуы үшін негіз болып табылады.

     Азаматтар бiлiмiне, жұмыс тәжiрибесiне, кәсiби шеберлiгiне және беделіне қатысты (бiлiктiлiгiн арттыру, ғылыми дәрежелер мен атақтар берiлуi туралы құжаттардың көшiрмелерi, мiнездемелер, ұсынымдар, ғылыми жарияланымдар және өзге де олардың кәсіби қызметін, біліктілігін сипаттайтын мәліметтер) қосымша ақпараттарды бере алады.

            Құжаттар конкурс өткiзу туралы хабарландыру соңғы жарияланған күнінен бастап 3 жұмыс күннің ішінде тапсырылуы тиіс.

  Әңгімелесуге жіберілген кандидаттар оны кандидаттарды әңгімелесу жіберу туралы хабардар ету күнінен бастап үш жұмыс күн ішінде «Ақтөбе облысы әкімінің аппараты» ММ өтеді.

  Конкурс комиссиясы жұмысының ашықтылығы мен объективтілігін қамтамасыз ету үшін оның отырысына байқаушылар шақырылады.

  Конкурс комиссиясының отырысына байқаушылар ретінде Қазақстан Республикасы Парламентінің және барлық деңгейдегі мәслихат депутаттарының, Қазақстан Республикасы заңнамасында белгіленген тәртіпте аккредиттелген бұқаралық ақпарат құралдарының, басқа мемлекеттік органдардың, қоғамдық бірлестіктердің (үкіметтік емес ұйымдардың), коммерциялық ұйымдардың және саяси партиялардың өкілдері, уәкілетті органның қызметкерлері қатыса алады.

  Байқаушылар әңгімелесу процесінде кандидаттарға сұрақтар қоймайды. Байқаушыларға конкурс комиссиясының жұмысына кедергі келтіретін іс-әрекеттер жасауға, кандидаттардың жеке басы деректеріне қатысты мәліметтерді жариялауға, кандидаттар қатысатын конкурс рәсімдерінде олардың техникалық жазба құралдарын қолдануға жол берілмейді.

  Байқаушы ретінде конкурс комиссиясының отырысына қатысу үшін тұлғалар әңгімелесу басталғанға дейін бір жұмыс күнінен кешіктірмей персоналды басқару қызметіне (кадр қызметіне) тіркеледі. Тіркелу үшін тұлғалар персоналды басқару қызметіне (кадр қызметіне) жеке басын куәландыратын құжаттың көшірмесін, ұйымдарға тиесілілігін растайтын құжаттардың түпнұсқасын немесе көшірмелерін ұсынады. 

  Конкурсқа қатысушылар мен кандидаттар уәкiлеттi органға немесе оның аумақтық бөлiмшесiне, не Қазақстан Республикасының заңнамасына сәйкес сот тәртiбiнде конкурс комиссиясының шешiмiне шағымдана алады.

          Конкурс комиссиясының шешімі қабылданған күннен бастап бес жұмыс күннен  кешіктірмей уәкiлеттi органға немесе оның аумақтық бөлiмшесiне конкурс комиссиясының шешіміне шағым беру, уәкiлеттi органның немесе оның аумақтық бөлiмшесiнiң келіп түскен шағым бойынша тиісті шешім қабылдауына дейін конкурс комиссиясының шешімінің қолданылуын тоқтата тұруға негіз болып табылады.

Қосылды: 
27.12.2016 - 10:37
Соңғы өзгерiстер: 
27.12.2016 - 13:28